Restitisyon ak eskiz  Brussels  :Wa Bèlj yo ,Phillipe retounen yon dan Patrice Lumumba bay pitit li yo, Alexander De Croo prezante eskiz li

Brussels, Bèljik ,20 Jen 2022-tinouvel.com

Restitisyon ak eskiz 
Brussels  :Wa Bèlj yo ,Phillipe retounen yon dan Patrice Lumumba bay pitit li yo, Alexander De Croo prezante eskiz li

Yon Polisye  Bèlj ki te patisipe nan asasina Patrice Lumumba premye Premye Minis Repiblik demokratik Kongo ,(RDC an franse)  te vòlè yon dan defen an e te kite l nan men yon pitit fi l.

An 2016,la jistis te sezi dan sa a nan men pitit fi  ofisye lapolis Bèlj ki te patisipe nan disparisyon  kò Patrice Lumumba.

Chèf  pakè federal Bèlj la Frédéric Van Leeuw nan palè wa a nan Brussels remèt  fanmi Patrice Lumumba yon bwat ki gen yon dan  ewo Kongolè yo, yo te asasinen an 1961, pandan yon seremoni an dirèk sou televizyon Bèlj yo  ,lendi sa a.

Premye Minis Alexander De Croo te rekonèt lendi ke plizyè minis gouvènman Bèlj ki te nan tap dirije  peyi a nan kòmansman ane 1960 yo gen "yon responsablite moral" sou sikonstans ki te mennen nan "sasinay" premye Premye Minis pou yon ti tan kout. Minis, Patrice Emery Lumumba, nan dat 17 janvye 1961 epi li te prezante "eskiz" pou pèp Bèlj yo .

Twa jou  "dèy nasyonal" yo te planifye nan RDC a soti 27 jen rive 30, dat ki pwograme pou  seremoni antèman Patrice Emery Lumumba , nan Kinshasa, jou  62yèm anivèsè endepandans la.

Ronald Leon
tinouvel509@gmail.com
@ti_nouvel

 
Pataje, Like, Abòne ak suiv nou sou Paj Facebook Tinouvel ak sou Twitter