Vinicius Jr Star Real Madrid deklare ase se ase kont rasis nan la liga lan,mond foutbòl pote solidarite yo bay brezilyen an.

Valans ,Espay 22 me 2023 - tinouvel.com

Vinicius Jr Star Real Madrid deklare ase se ase kont rasis nan la liga lan,mond foutbòl pote solidarite yo bay brezilyen an.

Fanatik Valans yo te trete  star Real Madrid la, Vinicius Jr ,kòm yon makak  pandan yon bout tan nan match Dimanch lan nan estad Mestalla nan Valans .

Konpòtman Fanatik Valans yo  tou mete tou touni echèk La Liga nan batay  pou elimine rasis. Atakan brezilyen  22 lane te reaji prese sou rezo sosyal e li te ekri: "Rasis se nòmal nan La Liga," li te ekri toujou. "Konpetisyon la liga  panse li nòmal, federasyon an tou ak advèsè yo ankouraje li."

"Chanpyona a ki te  gen Ronaldinho, Ronaldo, Cristiano Ronaldo ak Lionel Messi, kounye a se pou rasis yo."

Pawòl sa yo Vinicius Junior te pibliye   sou rezo sosyal yo apre yon lòt epizòd chokan ak gwo lapenn nan istwa pwoblèm rasis nan foutbòl Lespay  dimanch swa.

Sa fè èmyèm fwa Vinicius Jr tonbe anba men rasis yo sa ki te pase nan Valans se dènye  gout  dlo ki  ranfòse   fristrasyon Vini Jr epi mete sou move  jan otorite yo te abitye abòde sijè sa a, kounye a star Real Madrid la gen dout sou  avni l nan klèb la paske li pa santi  yo sipòte. Li santi se yon batay yo  te kite l pou mennen pou kont li.

Reyaksyon tou patou nan mond lan pou sipòte Viní Jr 

 Apre match la, antrenè Real Carlo Ancelotti se premye moun ki denonse gen   "yon pwoblèm  rasis" nan La Liga. Apre sa a, sipò pou Vinicius  soti nan tout mond lan  eksepte  prezidan an Lig  Panyòl, Javier Tebas, li refize moun "teni imaj la La Liga, (...) anrepons ak twit Vini jr yo.

"Nouvo epizòd rasis nan La Liga, yon lòt fwa ankò Vini se viktim lan", okontrè pou Ronaldo, gwo lejand Seleçao a. "Sa a pral dire toutotan enpinite ak konplisite" ap pèsiste. "Nou dwe  rete  jwèt la epi ale lakay nou," te deklare antrenè   FC Barcelona Xavi. 
Kylian Mbappé,Neymar  te pran pozisyon tou pou sipote Vini Jr. Prezidan Brezilyen Lula pote tout soutyen li bay Vini Jr.

Gouvènman brezilyen an reaji nan yon twit :"Nou refize yon nouvo atak rasis kont Viní Jr. Nou pral  enfòme otorite Espayòl yo ak La Liga. Gouvènman brezilyen an PAP tolere rasis ni isit la ni aletranje. Nou pral travay pou chak atlèt nwa ka jwe pou pa fè eksperyans sa a.

Ajan Viní Jr a sou IG: “Depi ou se yon Jwè nwa a yap mete yo deyò men yon blan se pa kounye a! Nan peyi Espay, menm VAR se yon rasis.

Prezidan Real Madrid Florentino Pérez te  rankont Vini Jr    pou montre l sipò ak afeksyon, li enfòme l tout mezi yo pran pou defann li epi konfime l ke Klèb la pral lwen nan batay kont sitiyasyon rasis repiyan nan Liga a.

Luis Rubiales, prezidan Federasyon Panyòl la, voye jete piblikman  Pawòl Javier Tebas nan yon konferans pou laprès: "Mwen mande w pou w inyore konpòtman irèsponsab prezidan La Liga ki ale sou rezo sosyal yo pou angaje yo nan yon deba ak yon jwè ki te resevwa kèk èdtan anvan, anpil jouman  rasis. Dirijan yo pa la pou plenyen sou rezo sosyo yo, men pou rezoud pwoblèm yo. Yo te  atake jwè sa a seryezman e se pat monan pou te pale konsa."

Lajistis epi Lespay louvri yon ankèt  Lendi sa a, yon jou apre jouman rasis sa a yo te pwononse kont Vinicius. Biwo pwokirè Valans lan, sou pwòp inisyativ li, louvri yon envestigasyon pou "krim rayisman" nan  Kategori kriminèl sa a gen ladann jouman rasis.

Ronald Leon
tinouvel509@gmail.com
@ti_nouvel

Pataje, Like, Abòne ak suiv nou sou Paj Facebook Tinouvel ak sou Twitter