Anviwon dis Bòkò Pewouvyen tap fè wounga pou "netralize" Neymar anvan match Perou - Brezil ,Neymar di yo wayan....

Lima, Pewou,13 Septanm 2023 - tinouvel.com

Espò-Foutbòl 

Anviwon dis Bòkò Pewouvyen tap fè wounga pou "netralize" Neymar anvan match Perou - Brezil ,Neymar di yo wayan....

Epe ,foto Neymar  ak yon poupe ranyon, anviwon dis chaman Pewouvyen ou byen bòkò  tap fè yon seremoni  nan Lima nan Lendi pou yo eseye "netralize"Ney lavèy  match kont Brezil la nan kad kalifikasyon pou Mondyal 2026 la.

Abiye ak poncho tradisyonèl yo, gerisè sa yo, ki soti nan mòn yo, nan forè a ak sou kòt yo , te rele lwa  "Tayta Inti" (Papa Solèy) pou fè wonga pou mare atakan brezilyen an, yo mare janm gòch poupe ranyon sou yon foto Neymar epi  kouvri pye dwat la ak yon  epe an asye.

"Yon rezilta defavorab  pou Perou"

Chaman Félix Rondán te   eksplike Ajans Frans Presse anvan match la" Nou mare l pou l pa gen fizik, li pap kouri epi li pa byen jwe "Malgre tout wonga  Bòkò sa yo ,maji pat mache , Brezil kale Perou 1 a 0 gras ak yon gòl kapitèn PSG la nan fen match la.

Nan (90e) minit  Neymar tire yon kònè sou tèt  Marquinhos, defansè Parisyen an jwenn fay la ak tèt li epi gòl ,tout zonbi vole ale epi  Brezil asire dezyèm viktwa li nan 2 jou nan kalifikasyon  Amerik di Sid pou Mondyal 2026 la.

Wonga pa mache pou  Nimewo 10 Brezil, Neymar pa pran nan wonga, li fenk bat rekò  gòl Pelé nan seleksyon an nan match anvan an kont Bolivi.

Ronald Leon
tinouvel509@gmail.com
@ti_nouvel

Pataje, Like, Abòne ak suiv nou sou Paj Facebook Tinouvel ak sou Twitter