Gang ame yo kontiye ap touye ann Ayiti,moun Kafou nouvo viktim yo

Kafou,Ayiti ,18 avril  2024  --Tinouvel.com

Ayiti-Ensekirite

Pataje atik la

Gang ame yo kontiye ap touye ann Ayiti,moun Kafou nouvo viktim yo

Gang ame yo atake e  asasinen plizyè sivil ,Jedi 18 Avril 2024, nan komin Kafou.Nan Waney 93, ta sanble  5 moun mouri e plizyè lòt blese anba bal bandi ame epi yo ta ansekle komisarya a (OMEGA)  pou te  eseye pran kontwòl komisarya sa a men pa gen okenn konfimasyon sou atak sa a. 

Dapre temwen yo , bandi te nan plizyè  machin yo pa idantifye e te atake plizyè katye nan vil la.Pandan yon atak ,bandi yo te louvri kout zam san rezon  sou rezidan ki tap jwe domino nan katye sa a e ki te lakòz yon klima laterè ak kreye yon van panik nan komin lan. Lekòl ak  komès yo te oblije fèmen pòt yo.Transpò ankomen te  pase oralanti e popilasyon tap kouri rantre lakay yo pou evite viktim bal mawon bandi ame yo.Depi lè sa a tout aktivite yo paralize nèt.

Synapoha , yon sendika  polisye,te voye yon SOS bay wo kòmandman PNH la pou pran dispozisyon ki nesesè pou retabli lòd nan Kafou.

Ronald Leon
tinouvel509@gmail.com
@_tinouvel