Ayiti nan LONI:"Le coup de Conille"

Pòtoprens,22 septanm 2021 (tinouvel.com)

Ayiti-Politik

Ayiti nan LONI:"Le coup de Conille"

Premye Minis Garry Conille nan tèt yon delagasyon  kite peyi a vandredi 20 septanm pou l ale NY pou  patisipe nan 79èm Asanble Jeneral Nasyonzini an.Daprè yon nòt pou laprès Premye Minis Conille pral patisipe tou  nan plizyè rankont sou kriz Ayiti a.

Conille  kouri pati devan ,anvan menn delegasyon Prezidan Konsèy Prezidansyèl Tranzisyon an, Edgard Leblanc Fils ta dwe  kite peyi a  samdi 21 Septanm lan,kout teyat Prezidan CPT a,” anonse nan sal diplomatik  ayewopò entènasyonal Toussaint Louverture, nan konferans pou laprès ak Prezidan Kenya a, William Ruto, ki te nan yon vizit ofisyèl nan peyi a li pa prale  "Se Konseye Leslie Voltaire ki pral patisipe nan 79èm sesyon Asanble Jeneral Nasyonzini an. 

Dapre Nouvelliste,Prezidan Konsèy Prezidansyèl Tranzisyon an, Edgard Leblanc Fils  konfime li resevwa lèt ofisyèl nan men direksyon sekirite gwo diyitè yo nan  Depatman Deta Ameriken ,ki  avèti l fòmèlman Ayiti, nan dat 20 septanm 2024 la,  prezidan CPT a pa pral benefisye  pwoteksyon VIP si li rive nan USA a.

2 delegasyon pou yon menn randevou

Lèt ofisyèl Depatman Deta Ameriken   anpeche delegasyon Edgard Leblanc Fils ateri  nan New York pou  79èm sesyon Asanble Jeneral Nasyonzini an, e se "Anbasadè Antonio Rodrigue ,reprezantan pèmanan Ayiti nan Nasyonzini , ki te voye lèt la ban mwen maten an," dapre Mesye Leblanc .

Pou li konprann  ki jan Ayiti fè rive la kote sèvis sekrè Ameriken chwazi pou l pa bay prezidan Leblanc pwoteksyon diplomatik VIP, li anonse li te raple   2 anbasadè li yo pou klarifikasyon. “Mwen espere  anbasadè nou yo nan Nasyonzini ak nan Washington ap ba nou  eksplikasyon sou sa madi sa a. 

 Eskandal   nan mitan egzekitif ayisyen an

Chèf deta ak gouvènman ki soti nan omwen 145 peyi ta dwe patisipe nan 79èm Asanble Jeneral Nasyonzini  nan New York. Diskou yo ta dwe teyorikman dire 15 minit e ap gen plizyè douzèn diskou epi lòd la ap detèmine ak plizyè kritè tankou ki moun yon peyi voye pou fè diskou a (chèf deta yo anvan chèf gouvènman yo, ki menm yo anvan senp minis ak lòt reprezantan),lòt  kritè yo se desiderata peyi yo ak ekiib jeyografik lan.

Peyi ki gen 2 tèt   egzektif , yon prezidan eli yo oswa defakto   toujou jwe wòl reprezantan ofisyèl nan Nasyonzini e se li ki gen pou fè diskou devan asanble a.

Teknikman ann Ayiti se Prezidan ki se chèf diplomasi e se li menn ki  an premye nan pwotokòl Nazyonzini .Dayè  LONI gen yon sèl delegasyon ayisyen ki anrejistre pou patisipe nan 79èm Asanble Jeneral Nasyonzini an. Prezidan CPT Edgard Leblanc Fils se chèf delegasyon an, daprè sitwèb Nasyonzini an. Badj Prezidan Leblanc pare nan New York, dapre Le Nouvelliste .

Misyon Pèmanan Ayiti nan Nasyonzini te mande sekirite pou Edgard Leblanc Fils kòm chèf delegasyon ayisyen an. Sa vle di nan okenn ka Premye Minis Garry Conille pat dwe nan New York .Pou sèten aktè patisipasyon  de delegasyon ayisyen Premye Minis ak CPT nan 79èm se yon dezonè pou Ayiti.

"Le coup de Conille " 

Prezans defakto Garry Conille   nan 79èm asanble   montre Samedi sa a     tansyon k ap kontinye  grandi ant Premye Minis Conille   ak kan Prezidan CPT Edgard Leblanc Fils ki deja mande "klarifikasyon" sou  prezans Garry Conille nan asanble a.

Depi apre enstalasyon li, Garry Conille  fè tout  sa ki posib li pou montre  fòmil  Konsèy Prezidansyèl  pa mache ,sèten konseye repwoche  l ap alimente eskandal koripsyon ki enplike 4 konseye yo.Misye Garry Conille vle montre vrè pouvwa se nan Vila dakèy pa nan  CPT, li fè tout bagay pou kont li tankou yon apranti otokrat.

Koabitasyon ant Leblanc  ak Conille   vin improbab  e kominote entènasyonal la deja  chwazi kan li, dapre kèk aktivis politik pwogresis  se kominote entènasyonal  ki dikte  ki moun yo vle ki dwe repranzante Ayiti nan 79èm Asanble Jeneral Nasyonzini   e Conille  deja fè aranjman a ki de dwa pou anyen pa fè pou reprezantan legal Ayiti a ,Prezidan Edgar Leblanc pa ale New York. 

Selon aktivis pwogresis sa yo  Ameriken yo pi alèz ak Misye Garry Conille ki te deja reprezante yo nan CIRH la e pirèd Doktè Conille se reprezantan sektè ladwat brital ,kowonpi  e anti pwogresis nan peyi a ki ka pi byen  mennen politik neyoliberal pou Ayiti,dapre militan pwogresis sa yo.

Gras ak sipò kominote entènasyonal Premye Minis Garry Conille fè yon kou ,yon koudeta , yon revolisyon de palè  kont ansyen prezidan Asanble Nasyonal la, Edgard Leblanc Fils.Prezidan CPT vinn nan lonbraj  Premye minis la.Gouvènman ameriken chwazi Conille pou li kondwi politik etranjè ak  ekonomik  nan epyi a.

Conille pa deside fè okenn pataj politik  ak Leblanc .konpòtman pèsonèl li , yon nonm otoritè ak bezwen ensanse pou pouvwa pap pèmèt koyabitasyon sa a fonksyone  e lap vinn rann enstitisyon leta ayisyen  pi fèb.

Conille ap chèche agrandi distans ki ta dwe egziste ant li menn ak Leblanc. Li pa fè atansyon si   lap mache sou pant ki glise paske  blan an  fè l chèf li chèf nèt . 

Ronald Leon
tinouvel509@gmail.com
@ti_nouvel