Plizyè Selebrite kritike Trump sou deklarasyon ensanse sou Migran ayisyen  "k ap manje chen"

Springfield, Ohio 16 septanm 2024  -Tinouvel.com 

Plizyè Selebrite kritike Trump sou deklarasyon ensanse sou Migran ayisyen  "k ap manje chen"

Soti nan John Legend anpasan sou Francis Ford Coppolla pou rive nan Wyclef Jean, anpil atis ameriken   te kritike Trump pou kòmantè rasis li yo.

Pandan deba prezidansyèl la Mèkredi, ansyen Prezidan Donald Trump te fè yon deklarasyon fè tèt pa dwat   sou imigran ayisyen nan Springfield, Ohio t ap touye ak manje bèt nan kominote a.

"Yo ap manje chen yo  moun ki te antre yo ,yo ap manje chat yo," Trump te fè referans  ak yon teyori konplo rasis, ekstrèm dwat ki te sikile sou entènèt. "Yo ap manje bèt domenistik k ap viv laba a , e se sa k ap pase nan peyi nou an kounye a."

Plizyè medya, pami yo ABC News ki te òganize deba a, te tcheke deklarasyon ekzòbitan an. Moderatè deba a David Muir klarifye  manadjè vil Springfield la te di  pa te gen "pa gen okenn done kredib sou deklarasyon espesifik sou bèt domestik yo ki te blese oswa  moun nan kominote imigran te abize yo ."

Poutan, kòmantè a te fè anpil moun nan piblik la ak plizyè atis anraje  sitou sa yo ki gen lyen  ak Ayiti ak Springfield ,yo te pran toutan yo pou entèpele  Trump . Men selebrite yo ki te pale sou kòmantè rasis Trump yo.

Jan lejand(jhon Legend)

John Legend pote yon pèspektiv inik nan konfli ki antoure deklarasyon Trump  imigran ayisyen nan Springfield, Ohio ap manje bèt domestik yo. Lejand soti nan Springfield, epi apre deba prezidansyèl 10 septanm lan, sipèsta pop-R&B ki te genyen EGOT te poste yon videyo ki fè kòmantè sou sitiyasyon an nan eta lakay li. ​

"Vil nou an te ap retresi pandan plizyè dizèn ane. Nou pa t gen ase travay, "li te ajoute. "Pandan administrasyon Biden an, te gen plis travay ki te louvri , plis djòb faktori, plis izin, manifakti  ki te bezwen anplwaye epi yo te pare pou anboche moun. Pandan menm tan an, te gen boulvès ak toumant ann Ayiti. Demand nan Springfield pou plis travay  te kontre ak rezèv imigran ayisyen adisyonèl yo ki te rive yo.”

Lejand te mete espwa ak rèv imigran ayisyen ki fèk rive nan kontèks vag imigrasyon anvan yo nan Eta Buckeye. "Nou tout bezwen gen menm kalite grase nou ta vle pou zansèt nou yo," li te deklare.

Bette Midler

Aktris Bette Midler, ki te yon gwo opozan Trump pandan dezane , te tweete pandan deba a, li t ap pase nan betiz  fason ansyen Prezidan an te vire soti nan Vis Prezidan Kamala Harris ki te deklare ke moun yo te kite rasanbleman li yo paske yo raz.

"'Moun pa kite rasanbleman mwen yo.' Hahahahahaha," li te ekri. "Kounye a, li gaye manti sa a sou manje chat. Muir di Okenn bèt pa te blese."

Wyclef Jean

Deklarasyon san fondman ak ensandyè Trump yo te atire tou  kolèe  Wyclef Jean, yon imigran ayisyen ki te deplase Ozetazini ak fanmi li lè li te timoun. Rapè-pwodiktè ak ko-fondatè Fugees la te di TMZ, ""Mwen ap toujou rekonesan pou lavi fanmi mwen, paske mwen gen yon bon chans pou m viv sa yo rele 'Rèv Ameriken an,'" e ajoute "pi gwo avantaj" Amerik se tradisyon imigrasyon li. 

Wyclef te ofri tou yon demand sensè  pou tolerans ak saniti. “Nan non Ayisyen Ameriken, mwen mande pou nou sispann ak vye mesaj ak akizasyon rasis sa yo. Lonje men nou anpè epi di mèsi dèske nou se vwazen mwen.”

Francis Ford Coppola

Francis Ford Coppola te ale sou Instagram pou pataje kijan li te degoute ak kòmantè Trump yo.

"Mwen vrèman te fache pandan deba yo, lè li tap denigre pèp ayisyen ," li te ekri nan yon pòs. “Mwen santi pèp ayisyen se pami moun ki pi bon, jenere, talantye e mèveye mwen pat  janm konnen. Yo pa janm jwenn padon paske yo te kaze chen lesklavaj nan yon revòlt esklav, epi yo te pini depi lè yo te libere tèt yo.”

Sous Rolling Stone

Ronald Leon
tinouvel509@gmail.com
@ti_nouvel