"Yo konplètman enbesil ! Yo pa ta dwe janm voye ale. PM lan te fomidab! ": Pawòl   ensolan ak derespektan Emmanuel Macron yo

Paris,Frans - 20 novanm 2024 -Tinouvel.com 

"Yo konplètman enbesil ! Yo pa ta dwe janm voye ale. PM lan te fomidab! ": Pawòl   ensolan ak derespektan Emmanuel Macron yo

"Èske Prezidan franse  Emmanuel Macron  te panse li  te yon babekyou ou byen nan yon pik nik ak ti zanmi? », lè li deside atake ak anpil mepri ak ensolans manm Konsèy Prezidansyèl Tranzisyon an  apre yo fin revoke Conille.

Li te vle piblikman imilye otorite ayisyen yo nan yon videyo ki gaye anpil sou rezo sosyal yo Mèkredi 20 Novanm sa a, Prezidan Repiblik Fransè a Emmanuel Macron te dekri yo kòm "idiot".Li te di pawòl sa yo  devan plizyè  kolaboratè li sou yon pon an Frans  an repons ak yon kesyon yon Ayisyen te Poze l:"Yo konplètman estipid (con)! Yo pa ta dwe janm revoke li. PM a te fomidab!" 

Otokrat kaprisyeu jan  jounal Politico konn kalifye li an  pa janm konnen ki jan pou li pale moun e kontinye ap erè kominikasyon “Franchman, se ayisyen yo ki  touye Ayiti. Nan kite trafik dwòg(...)"

Reprezantan Lafrans, an mèt  kap bay leson te kontinye sou yon ton dirèk ak deplase "Epi gade sa yo te fè, premye minis la te supè, mwen defann li, yo revoke li.  Li terib! Li terib! Mwen pa ka ranplase li" se  tankou yon mèt kap egzèse pouvwa kolonyal sou sijè li yo .

Macron an bon defansè Conille te vle nou konnen li te   mete l tout pwa li nan balans la pou te ede PM lan rete sou pouvwa ann Ayiti menn lè li pat regle anyen pou pèp ayisyen an,men li  bliye an 2024  pa gen okenn politik neokolonyal franse Ayiti ankò menn jan ak 2004 lè la Frans tap finanse rebèl Guy Phillipe pou te anpeche Ayiti mande restitisyon ak reparasyon pou ranson endepandans lan. Li pa montre okenn respè pou Ayiti e vle pa Ayiti gen yen yon relasyon granmoun ak responsablite pataje ak Lafrans.

Politisyen yo absan men entènòt denonse pwopo yo

Medya Ayisyen yo pa fè anpil atansyon ak pwopo derespektan  Emmanuel Macron  yo.Li pa menn fè gran tit kèk swadizan gwo medya Ayisyen tankou Radio Metrople ,men nan media sou rezo sosyo ak radio Kiskeya aktayalite sa a te  nan mitan edisyon nouvèl yo.Sepandan, reyaksyon gaye sou rezo sosyal yo.Anpil entènot monte sou entènèt la pou denonse pawòl Macron yo.

Mekontantman tap grandi nan mitan entènòt yo ki te santi yo dirèkteman vize ak fraz meprizab Emmanuel Macron, pou profèse Sonson Mathurin "Macron se yon wa (con )enbesil. Li tap pran  po yon moun ki pi enbesil pase li". Pou metè ansèn, John Vanyan   "Li te bon pou neyokolon yo" ,yo tap pale de Garry Conille, yon lòt entènot te kalifye Macron tankou  yon "neocon".

Politisyen ak entèlektyèl Ayisyen renka pou reaji  sou pawòl ensolan Macron yo.Eske pawòl sa yo se "yon non-sijè"  ou byen yo pè pou anbasad la Frans pa sanksyone yo.

Ensidan diplomatik ?

Apre imilyasyon piblik, dirijan ayisyen poko janm reaji sou ti diskou prezidan franse , selon Marvel Dandin, Direktè jeneral Radio Kiskeya gouvènman ayisyen atravè Ministè Afè Etranjè  an te dwe voye yon nòt pwotestasyon pou  Quai d'Orsay e konvoke Anbasadè Franse ann Ayiti pi vit posib poul vinn bay eksplikasyon sou pwopo Macron anvan  li pa tounen yon ensidan diplomatik .

Ronald Leon
tinouvel.com@gmail.com
@ti_nouvel
www.haitianmediaunited.com