Doktè Prince Pierre Sonson ,nouvo Direktè Egzekitif Lopital Jeneral .

Pòtoprens, Ayiti 23  Desanm 2024-Tinouvel.com

Doktè Prince Pierre Sonson ,nouvo Direktè Egzekitif Lopital Jeneral .

Yon gwo reyinyon  te òganize,  lendi 23 desanm 2024 ,sou evantyalite reouvèti Lopital Jeneral la sa a nan lokal Ministè Sante Piblik .

Doktè Duckenson Lorthé BLEMA,Minis Sante Piblik  te chita pale ak prensipal responsab Lopital Jeneral la, sitou chèf ak medsen de sèvis yo.
Objektif reyinyon sa a se te diskite sou preparasyon pou relouvri pi gwo lopital inivèsite nan peyi a.

Pandan rankont sa a, minis la te  ofisyèlman prezante Doktè Prince Pierre Sonson  kòm nouvo Direktè Egzekitif Lopital Jeneral .

Pandan diskou li a, Doktè Prince Pierre Sonson di li konte sou moun ki te la anvan li yo, kòlèg li yo nan jenerasyon l, ansanm ak jèn pwofesyonèl sante yo, pou pèmèt pi gwo estrikti lopital inivèsite nan peyi a ranpli misyon li .

Doktè Prince Pierre Sonson ranplase Doktè Jude Milcé, ki te rete diskrè depi gang ame yo te vandalize etablisman an, selon yon nòt ministè sante piblik .

Nominasyon  Doktè Prince Pierre Sonson  fèt nan kondisyon difisil kote gang"Viv Ansanm prèske detwi  Lopital Jeneral la nèt  .Anpil obsèvatè ap mande èske leta santral an mezi pou   pasifye zòn alantou lopital ki anba kontwòl gan ame yo?Ki jan  yo pral sekirize lopital  pou pèmèt reouvèti  pote rezilta konkrè pou popilasyon nan zòn metwopoliten lan.

 Ronald Leon
tinouvel.com@gmail.com
@ti_nouvel
www.haitianmediaunited.com