Prezidan Konsèy Prezidansyèl Tranzisyon an, Leslie Voltaire, mande ALBA-TCP èd nan zafè sekirite ak asistans alimantè.

Pòtoprens, Ayiti -19  Desanm 2024-Tinouvel.com

Ayiti-Politik

Prezidan Konsèy Prezidansyèl Tranzisyon an, Leslie Voltaire, mande ALBA-TCP èd nan zafè sekirite ak asistans alimantè.

Voltaire raple gravite sitiyasyon an ann Ayiti, kote  vyolans gang yo afekte popilasyon an depi 29 fevriye ane sa a, e kounye a li kreye yon eskalad ki lakoz nan kat jou sèlman bandi yo touye plis pase 200 moun e blese plizyè santèn sitwayen.

Nan yon ti videyo te difize nan kad 24yèm Somè Chèf Deta ak Gouvènman ALBA-TCP, ki te fèt lavèy nan Venezyela, Voltaire te deklare: “Nou mande frè ALBA-TCP nou yo pou yo ede nou ak sekirite ak  asistans nan  manje paske gen sis milyon Ayisyen ki ap mouri grangou kounye a pandan peryòd Nwèl sa a.”

Peyi manm ALBA-TCP yo deside sipòte Ayiti nan pote estabilite, lapè ak demokrasi .

Se sa prezidan Venezyela a, Nicolás Maduro, te anonse pandan reyinyon 10 peyi manm yo  tap patisipe  , Ondiras ak Palestine te la kòm envite espesyal, Ayiti ak mouvman sosyal atravè lemond.

Diyitè a afime  lapè, travay ak pwosperite ap retounen pou Ayiti e li asire li se youn nan gwo angajman Alyans la, pran odela limit yo pou nasyon Karayib sa a pou l "reprann chemen lapè, estabilite, demokrasi, ekilib sosyal  ak devlopman ekonomik.”

Alyans Bolivaryen an, "gen enstriksyon presi pou avanse pou pi devan nan tout sa ki ka ede Ayiti, prezidan Maduro te deklare" e li ajoute gen pwogrè ki te fè pou bay pèp ayisyen an sipò ekonomik ak sekirite .

Maduro te raple ALBA-TCP te devlope  anpil pwogram , Petrocaribe se youn nan yo, yon pwogram sekirite enèjitik, estabilite finansyè, ak sipò ekonomik kote " nou pa janm wè sa nan mond lan" ki te pèmèt 18 Eta Karayib yo benefisye sou menm pye degalite  .

Alyans Bolivaryen pou Pèp Amerik nou yo-Trete Komès Pèp yo (ALBA-TCP) te òganize Samdi XXIV(24yèm) Somè Chèf Deta ak Gouvènman an nan Caracas, Venezyela, komemore ventyèm anivèsè alyans lan ak reyafime angajman an nan prensip fondatè li yo pou lapè, devlopman, ak souverènte

Fidel Castro ak Hugo Chávez te kreye ALBA  14 desanm 2004   pou lanse yon "nouvo ofansif politik, ekonomik ak sosyal" nan Amerik ak Karayib la.

ALBA-TCP konpoze ak Venezyela, Kiba, Bolivi, ak Nikaragwa,  Dominik, Antigwa ak Barbuda, Sen Vensan ak Grenadin, Saint Kitts ak Nevis, Grenada, ak Sent Lisi.

Sous Prensa Latina

Ronald Leon
tinouvel.com@gmail.com
@ti_nouvel
www.haitianmediaunited.com