Ayiti-Jistis: DCPJ transfere nan pakè  Pòtoprens dosye Magalie Habitant, ansyen depite Victor pou konivans ak gwoup ame

Pòtoprens,Ayiti, 10 April 2025 -Tinouvel.com

Ayiti-Jistis: DCPJ transfere nan pakè  Pòtoprens dosye Magalie Habitant, ansyen depite Victor pou konivans yo ak gwoup ame

Apre twa mwa finalman Lapolis jidisyè te transfere nan biwo pakè Pòtoprens dosye militan politik Magalie Habitant, ansyen depite Victor Prophane ak ansyen direktè CAS Eliaonor Devalon ak 10 lòt moun  yo te  arete  lakay ansyen depite yo  la Jedi sa a , yo te akize yo ta nan konivans ak gwoup ame.

Magalie Habitant ,Prophane Victor ak lòt akize te dwe reponn kesyon Komisè Gouvènman  jodi 10 Avril 2025 lan men Komisè Gouvènman Pòtoprens Frantz Monclair  dekalre li te jis pran konesans de dosye sa a:"se yon premye odisyon ki fèt men pa gen okenn desizyon ki pran e  mwen  voye yo nan gadavi nan prizon Delmas 33.

"Lendi 14 Avril mwen pral komanse tande  sou fè DCPJ repwoche yo tankou swadizan patisipasyon yo nan aktivite kriminèl  nan peyi a.

Avoka akize rejte tout  akizasyon  yo e denonse detansyon pwolonje kliyan yo  te viktim dapre Mèt Arnel Rémy   jij yo te pran twop tan  pou tande previni yo .Mèt Palvin, Avoka ansyen depite Prophane Victor denonse sou bo pa li move tretman li di kliyan li yo ap resevwa nan men DCPJ. Yon fè 3 mwa nan men yo, menm fanmi yo paka wè .

Se ankèt sou koneksyon Magalie Habitant ak gang koalisyon VIV ANSANM yo ki te mennen nan arestasyon ansyen depite Tiriv Latibonit, Prophane Victor ak ansyen direktè CAS Elionord Dévalon daprè yon sous pwòch DCPJ la.

Ronald Leon
tinouvel.com@gmail.com
@ti_nouvel
www.haitianmediaunited.com