Mezi entèdiksyon pou machandiz etranje pase sou fwontyè Repiblik Dominikèn pou  Ayiti  antre an vigè jodi a.

Santo Domingo, Repiblik Dominikèn- 12 Me 2025 - Tinouvel.com 

Mezi entèdiksyon pou machandiz etranje pase sou fwontyè Repiblik Dominikèn pou  Ayiti  antre an vigè jodi a.

Desizyon an afekte tou komès enfòmèl ki fèt nan mache binasyonal yo.

Apati lendi 12 me 2025, Ayiti pral aplike yon dispozisyon ki entèdi fòmèlman machandiz etranje antre sou fwontyè tè li genyen  ak Repiblik Dominikèn .

Mezi a,Direksyon Jeneral Administrasyon Jeneral Ladwàn (AGD) anonse a, deklanche yon alam nan mitan enpòtatè, transpòtè ak machann sou tou de bò fwontyè a.

Desizyon sa a te  pran 7 avril la, atravè sikilè nimewo DAJ/BM/AGD/03-25/00479, AGD a te pibliye sou enstriksyon Ministè Ekonomi ak Finans Ayiti a.

Li etabli  tout machandiz ki soti aletranje k ap travèse teritwa dominikèn nan dwe antre an Ayiti sèlman pa lanmè pou ladwann kap tree dosye yo . Apati lendi sa a, biwo ladwann ki sitiye sou fwontyè ant Repiblik Dominikèn ak Ayisyen an ap sispann aksepte kalite kago sa yo.

Lagè avèti pa touye kokobe  

Avi a bay lòd tou pou yo konfiske tout machandiz etranje ki travèse sou tè an vyolasyon règ sa yo. Otorite ladwann yo pral gen sipò Polis Nasyonal Ayisyen an (PNH) ak Fòs Ame yo (FADH) pou asire yo ap respekte règleman  strik sa .

Malgre yo te anonse mezi a nan mwa avril, se kounye a, lap  antre an vigè 12 me a, e sa la yo pral kòmanse santi vrè enpak li. Plizyè douzèn enpòtatè Ayisyen ki te konte sou pò Dominikèn yo kòm wout ki pi efikas pou machandiz yo antre pral oblije kounye a repanse lojistik yo pou yo itilize pò maritim Ayisyen yo sèlman.

Desizyon an afekte tou komès enfòmèl ki fèt nan mache binasyonal yo. Machann Ayisyen ki ale chak jou nan Dajabón, Jimaní, oubyen Elías Piña pou achte machandiz ki souvan  konn soti lòt bò dlo men ki antre legalman sou mache dominiken an e yo pral  wè chèn apwovizyoman yo koupe.

Ayiti deklare gang yo ap fè pwofi.

Gang Ayisyen yo touche ant 60 milyon ak 100 milyon dola pa ane nan komès fwontyè ak Repiblik Dominikèn, Minis Ekonomi ak Finans Ayisyen an, Alfred Métellus, te deklare nan yon entèvyou ak estasyon radyo Ayisyen an Magik9 nan mwa avril.

Ofisyèl la te eksplike  sikilasyon iregilye kontenè k ap antre an Ayiti nan pasaj fwontyè tankou Malpasse pèmèt chèf gang lokal yo fè moun peye jiska 2,000 dola pou chak inite, yon chif ki, miltipliye pa kantite kontenè yo estime chak mwa a anviwon 3,000 epi jenere plizyè milyon dola nan revni ki al tonbe nan men kriminèl yo.

“Gen plis lajan ki ale nan aktivite kriminèl pase nan lapolis. "Si nou vle konbat ensekirite a, nou dwe aji an konsekans," Mesye Métellus te ajoute.

Ronald Leon
tinouvel.com@gmail.com
@ti_nouvel
www.haitianmediaunited.com
Sous: DIARIO LIBRE