Yon rapò Nasyonzini denonse pratik polisye kap vann bandi zam ak minisyon  lapolis

Pòtoprens  ,Ayiti, 27 jen 2025 -Tinouvel.com 

Ayiti-Trafik

Yon rapò Nasyonzini denonse pratik polisye kap vann bandi zam ak minisyon  lapolis

lenouvelliste.com ak Tinouvel.com

Yon nouvo rapò ekspè Nasyonzini yo soulve gwo enkyetid konsènan jesyon rezèv zam Lapolis Nasyonal Ayisyèn (PNH). Dapre dokiman an, asenal lapolis ayisyèn yo konstitye yon sous enpòtan zam ak minisyon sou mache ilegal zam nan  peyi a.

Trafik zam ak minisyon se yon biznis ki rapote anpil lajan.Ankèt la revele  komès zam ilegal la se yon biznis patikilyèman pwofitab e atire kèk manm kòwonpi nan fòs polis la. Ekspè yo te dokimante plizyè arestasyon polisye ki te enplike nan founi ekipman militè bay gang yo ak lòt moun ki sou mache ilegal la.

Ekspè Nasyonzini yo montre gwo echèk nan sipèvizyon ak kontwòl ekipman militè yo. Echek sa a konsenen  zam yo te jwenn legalman ak sa yo te konfiske pandan operasyon lapolis yo. 

Rapò a detaye metòd polisye kòwonpi yo itilize. Li montre absans   kontwòl strik nan distribisyon ak itilizasyon minisyon pandan operasyon yo  pral pèmèt kèk  polisye kenbe katouch ki pa itilize pou revann yo pita.Li di move siveyans nan jesyon rezèv sa yo fasilite polisye kòwonpi yo kenbe minisyon ak zam yo sezi  pou yo revann apre sa yo bay gang lokal yo ak lòt gwoup kriminèl.

Envestigatè yo te dekouvri  tou yon rezo aprovisyonmam ekipman militè sou  fwontyè a ,kote ajan PNH yo itilize estati ofisyèl yo pou achte minisyon an Repiblik Dominikèn san yo pa kanpe nan pòs kontwòl yo.

Dokiman an prezante de ka espesifik ki te rive nan fen 2024. Premye a konsène yon manm Inite Kont Anbiskad Palè nasyonal  yo te arete 31 oktòb ak yon chajman 2,695 katouch, am majorite kalib 7.62 × 39mm. Minisyon sa a te destine pou gang Krache Dife a. Ankèt la fè konnen  ofisye sa a te deja tabli bon jan  lyen komèsyal ak    kriminèl sa yo.

Dezyèm ensidan an enplike yon ofisye lapolis nan Inite Tanporè Anti-Gang(UTAG), yo te arete 8 novanm sou Chammas ak 2,400 katouch pami yo 1,000 bal 5.56×45mm ak 1,400 bal 7.62×39mm. Ankèt la te revele  anmourèz li, tap travay kòm sekretè nan depo santral  zam  PNH la, ki te fasilite detounman  dirèkteman sa yo nan stock ofisyèl yo. Selon enfòmasyon yo te bay Gwoup Ekspè yo, di minisyon an te destine pou youn nan prensipal chèf gang kowalisyon Viv ansanm lan.

Fas a sitiyasyon alarmant sa a, ekspè Nasyonzini yo mete aksan sou nesesite ijan pou modènize sistèm jesyon ak kontwòl zam yo nan Polis Nasyonal la ak Fòs Ame Ayisyen yo. Yo rekòmande pou ranfòsman enpòtan kapasite enstitisyonèl pou anpeche detounman  sa yo, k ap alimante ensekirite nan peyi a.

Ronald Leon
tinouvel.com@gmail.com
@ti_nouvel
www.haitianmediaunited.com

Sous Le Nouvelliste