Pandan CPT paralize  gang ame yo kontinye ap atake 

Pòtoprens ,Ayiti,7 Jiyè 2025 -Tinouvel.com 

Ayiti-Ensekirite

Pandan CPT paralize  gang ame yo kontinye ap atake 

Peryòd latwoublay  ensekirite ap kontinye pou pi mal nan peyi a.Pa gen yen yon jou ki pa gen yon zak kriminèl nan kapital la oubyen yon lòt kote.Ayiti ap fè eksperyans ak yon klima ensekirite jeneralize ak atak gwoup ame teworis viv ansanm atravè peyi a.

Pandan lapolis ak komite otodefans ap lite ak anpil kouraj , gang yo ap ogmante ofansiv yo, plonje peyi a nan yon klima laterè  men Konsèy Tranzisyon Prezidansyèl la (CPT) rete imobil nan yon kriz entèn.

Vyolans toujou, vyolans toupatou

Otèl Oloffson sanktyè  mizikal, rezistans ak eritaj ravaje anba flanm dife

Nan lannwit 5 pou rive 6 jiyè 2025, gang ame nan viv ansanm  yo boule rapye tè  Otèl Oloffson nan katye kafou fèy nan Pòtoprens, yon moniman  120 lane egzistans ki te yon baz kiltirèl ,yon sanktyè pou mizik rasin lan, pou rezistans ak eritaj vodou a.Disparisyon Kote inik sa a,  youn nan senbòl ki pi frapan nan eskalad vyolans gang yo enpoze peyi a.

Enstitisyon kiltirèl lejandè  sa a se yon temwen nan listwa Ayiti pandan plizyè dizèn ane,kote Jackie Onassis ak Mick Jagger e woman Graham Greene sou Ayiti pandan rèy laterè Papa Doc la  te vin ran li popilè  . Atak sa a  montre degre ignorans teworis yo ki elimine yon  yon veritab chèdèv achitekti pwisan fanmi nwa Demosthene Sam te fè konstwi ann 1887.Boule sit istorik sa a reprezante yon pèt kiltirèl ak eritaj konsiderab pou nasyon an.

2  polisye mouri ak 2 blese nan chan batay

Lapolis Nasyonal Ayisyen an (PNH) ap peye yon gwo pri nan lagè kont ensekirite a. 2 polisye pèdi lavi yo nan travay yo, sa ki mete aksan sou danje fòs sekirite yo ap fè fas chak jou.Nan Senmak, nan  lokalite Dezam, pandan yon operasyon kont gwoup ame, yon polisye nan Inite Tanporè Anti-Gang (UTAG) mouri nan Charrier.

Nan Kenscoff, dimanch 6 jiyè sa a, yon nouvo atak frape vil la, plis presizeman nan Viard, lè manm kowalisyon "Viv Ansanm" nan te louvri kout zam sou yon patwouy Polis Nasyonal Ayisyen an. Olrich Joseph, 32 an, yon polisye SWAT, mouri epi de lòt  polisye te blese, epi asayan yo mete dife nan yon machin blende .

 Lascahobas nan  sant peyi a nan boulvès

Vyolans la pa limite a zòn metwopolitèn Pòtoprens lan ankò. Lascahobas, yon komin nan depatman Sant lan, vin tounen nouvo sèn  atak  teworis yo.Byen bonè  jedi maten  3 jiyè 2025 la, bandi ame te atake plizyè vil toupre komin Lascahobas, tankou Desvarrieux, Savane Lacoupe ak Sarazin, pami .Atak sa a te plonje komin nan nan yon klima panik, sa ki te lakòz anpil deplase ak anilasyon dènye jou egzamen ofisyèl nevyèm ane yo.

Dapre yon rapò ki soti nan Biwo Nasyonzini pou Kowòdinasyon Zafè Imanitè (OCHA), anviwon uit moun te mouri, gen lòt ki disparèt, epi twa machin vòlè yè ak plizye kay boule, jedi 3 jiyè 2025, apre atak gang ame yo te fè nan lokalite Desvarrieux, Chambrun ak Sarazin toupre komin Lascahobas.

 KPT inefikas e CP kontinye ap fè pwomès

Pandan peyi a ap plonje nan dezòd, Konsèy Prezidansyèl Tranzisyon an (CPT) sanble pa kapab reponn efektivman a kriz la. Nèf konseye sa yo, ki sipoze asire gouvènans pwovizwa peyi a, ap fè fas ak kritik k ap ogmante pou mank aksyon konkrè li yo  fas a deteryorasyon sitiyasyon sekirite a.

Mankman nan yon estrateji ki koeran ak resous ase pou konbat ensekirite a kite teren an ouvè pou gwoup ame yo, piti piti ap ogmante kontwòl yo sou teritwa nasyonal la.Okenn nan pwojè yo te anonse yo pa janm reyalize e yo kontinye ap fè pwomès  avan 7 fevriye 2026 rive yo rezoud pwoblèm sekirite, yo pral  fè referandòm konstitisyonèl, refòm enstitisyonèl, eleksyon ak relans ekonomik.

Manm CPT yo  pa vle  rekonèt "fason operasyon sa yo ap mennen pap pote okenn rezilta".Yo pa gen kouraj pou rekonèt echèk yo , feblès yo epi  pou soti nan divisyon  entèn yo  pou soti peyi a nan sitiyasyon peyi a.Yo pa fè  anyen pou bay popilasyon espwa.

Avèk sitiyasyon kritik sa a, avni Ayiti rete ensèten.San plan rapid ak kowòdone, ki gen ladan  ranfòsman  kapasite sekirite nasyonal yo ak  sipò  tout patriyòt peyi a riske tonbe pi plis nan anachi.

Sitiyasyon aktyèl la mande yon mobilizasyon ijan tout moun ki konsène yo pou anpeche yon katastwòf imanitè sou pi gwo echèl epi pou pèmèt pèp Ayisyen an reprann lapè ak estabilite li anvi a.

Ronald Leon
tinouvel.com@gmail.com
@ti_nouvel
www.haitianmediaunited.com
Sous GazetteHaiti Le Nouvelliste